區明妙再出寫真集玩水着放題

現年24歲的藝人區明妙去年推出處女寫真集，限量600本全部售罄，由於反應熱烈，食髓知味今年計劃再推出第二本，將會到沖繩取景，預告有水着放題。她表示：「上次寫真喺九份影感覺文青啲，今次都係用番之前嘅攝影師，20歲就識佢，大家互相信任，仲講笑希望到30歲時再推出一輯相識10年紀念。」

被喻為無綫御用學生妹的她，覺得近年已搣甩Baby Fat，她希望臉能再尖一點，問最滿意身體哪一部分？她笑說：「對眼，因為笑起嚟變成一條線，以前細個唔鍾意，畀人笑個樣好卡通，依家大個咗覺得好得意。」