關智斌孖楊天宇遊日：未打交住！

藝人關智斌（Kenny）與楊天宇（Angus）向來老友鬼鬼，近日趁空檔齊齊飛到日本旅行，日前Kenny在社交網晒出靚相，形容今次是兩個「大唔透」之旅：「食喝玩樂、搵秘境、浸溫泉、滑雪，仲有無止境嘅互窒！」他笑指自己的影片頻道今年主題由喜愛搵錢，變成喜愛尋找美食：「其實要特別多謝Angus畀我呢個臨時提出嚟嘅主意成真，傾傾吓就傾咗個『孖夫遊記』，大家都知，去旅行呢啲嘢，好容易由Friend變咗做敵人，我哋暫時都仲OK，未打交住未打交住。」粉絲紛紛按讚畀心，又大讚現年44歲的Kenny保養得宜，跟小15歲的Angus站在一起也不覺得有年齡差距。