收生日應援 Ada@VIVA超驚喜

本月生日的英皇女團VIVA成員姜咏鑫（Ada）早前舉行入行後首個慶生Fans派對，她說：「以往生日都係收Fans嘅短訊祝福，今次佢哋幫我整咗個茶飲店應援，有手幅、鎖匙扣、Postcard，呢啲都係第一次發生喺我身上，係一個Surprise。」還有歌迷到場跟她唱生日歌、切蛋糕及送禮物，她高呼：「原來咁多人錫我。」至於生日願望，她希望將來VIVA每位成員的生日都在工作中度過，她解釋：「一嚟代表我哋有Job，同埋可以一齊過；二嚟就係經理人有講生日有Job嘅話係好事，代表嚟緊keep住有錢賺。所以我覺得係一個祝福，大家生日時不如一齊賺錢。」