遇交通意外文凱玲嚇破膽

藝人文凱玲（Connie）去年7月榮升人母，她透露日前與女兒遇上交通意外：「坐車嘅時候發生咗小小交通意外，畀後面架車追尾，好彩當時喺路口，兩架車都好慢，所以冇人受傷。」

Connie接受本報訪問，詳述意外經過：「我同老公、囡囡坐喺架車度本來想轉彎，點知後面架車想Cut線撞咗埋嚟我哋車頭，碰撞嗰一刻都好擔心囡囡有事，好彩我有用Baby Car Seat，平時就算好重咁拎嚟拎去都堅持用，安全至上。」談到她現時忙於湊B，可會繼續在幕前演出？她笑言：「會呀，都有啲工作搵我傾，但因為要返內地一段幾長時間，無人湊BB就唔係咁得。不過可以傾吓我囡囡，我帶佢去開工都好喎！」