400萬拍真人騷 王賢誌預咗冇錢賺

藝人王賢誌主理的男男配對真人騷《Boyscation Too》即將推出，昨日記者會上9位參加者現身，而其中一位參加者Anthony則因不在港而缺席，當中不乏專業人士，包括任職醫生的Tyler及藥廠管理層Calvin。王賢誌坦言今次製作費高達400萬港元，台前幕後拉隊拍外景6日：「係我自資嘅，預咗冇錢賺。其實我年頭埋班嗰陣經濟好差，根本搵唔到贊助，但拍完覺得好值得，節目都有配對成功，不過暫時唔講住。」他已跟所有參加者簽約：「簽約唔係為咗賺錢，而係希望日後有相關同志嘅活動，我哋可以企出嚟幫吓手。」