陳懿德被「剝衫男」嚇窒

無綫藝人陳懿德（德德）近日直搗各大Gym Room，為TVB Plus新節目猛男競技選秀騷《我推的野男LIVE！》宣傳及招募合資格參賽的大隻仔。招募當日的競技項目相當簡單，其中一位勝出的挑戰者接受德德訪問時，更無厘頭玩剝衫企圖展示健美身形，德德被嚇至目瞪口呆。她受訪時稱最難忘是為「剝衫男」度胸肌：「要喺鏡頭面前咁樣度男仔嘅胸真係第一次，不過我都有保持矜持，雖然內心驚到不得了。我好記得其中有一下，製作組想我貼張宣傳貼紙喺某位男士嘅胸肌，其實當時我係好驚好緊張，只能夠硬住頭皮，輕輕用手指個『啄』貼張貼紙落去。」