娛樂

王浩信被推舉做男主角 陳自瑤唔介意夫妻檔演出

陳自瑤的演技備受讚賞,梗係開心! 陳自瑤的演技備受讚賞,梗係開心!
陳自瑤的演技備受讚賞,梗係開心!
藝人陳自瑤憑劇集《婚後事》而人氣急升,有網民提議由其丈夫王浩信出任男主角,相信會更加精彩。前晚陳自瑤在活動上笑言大家入戲太深,但揚言若有好劇本,不介意夫妻檔演出。
陳自瑤、應屆港姐冠軍莊子璇及歌手曾比特前晚參與《博愛歡樂傳萬家》演出,陳自瑤主演的無綫劇《婚後事》成近期網絡熱話,在內地的影視平台評分一度高達8.8分,相當厲害,網民對她的演技一致好評,有網友直言「TVB給陳自瑤一個視后吧」。對於成視后大熱,她坦言:「其實講吓我已經好開心,聽到套劇會播出我真係好緊張,因為唔知觀眾有咩反應,我又第一次做咁重要嘅角色,當知道大家咁鍾意,我真係好感動。」她稱有留意網上留言,當中不少女觀眾指跟她劇中角色很有共鳴。
由於之前的婚變傳聞,有網民提議由她的老公王浩信出任男主角會更加精彩,對此她笑謂:「大家入戲太深喇!(浩信有追睇你演出?)我真係唔知,因為佢拍緊套劇,唔好騷擾佢,等佢進入狀態啦。(介唔介意同浩信合作?)我哋真係未試過,大家都係專業演員,如果有好劇本同角色,我真係唔介意。」
莊子璇「變臉」靠化妝
另外,莊子璇被指「變臉」兼撞樣朱晨麗,她淡定回應:「佢靚好多!我淨係有用港姐贏番嚟嘅護膚品贊助,其他就冇喇,仲覺得自己肥咗㖭。(話你由豬膽鼻變間尺鼻。)我都唔知,有少少變化就好多猜測,唔同階段可能化妝唔同咗。」
至於曾比特因肌肉急性發炎,要撐拐杖唱歌,他透露醫生指完全康復起碼要3個月:「企喺度唱歌、彈樂器冇問題,但要睇我跳舞,真係要等等,暫時唔可以太劇烈。」他稱暫時仍未知病發原因,並講笑謂:「可能工作量唔夠,郁得唔夠多,所以搞成咁,哈哈!」
莊子璇回應被指「變臉」,淡定拆彈。莊子璇回應被指「變臉」,淡定拆彈。
莊子璇回應被指「變臉」,淡定拆彈。
曾比特因肌肉急性發炎,要撐住拐杖獻唱。曾比特因肌肉急性發炎,要撐住拐杖獻唱。
曾比特因肌肉急性發炎,要撐住拐杖獻唱。
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500