娛樂

同追求者了解中 江嘉敏雲頂吸金:最緊要飽口福

江嘉敏回復單身後更開心,而且桃花暢旺。 江嘉敏回復單身後更開心,而且桃花暢旺。
江嘉敏回復單身後更開心,而且桃花暢旺。
江嘉敏兔年驛馬星動,下月會跟薛家燕到馬來西亞登台,實行發個新年財。至於愛情,她承認有追求者,但要了解一吓先,至於擇偶要求,最緊要有上進心及聰明。
藝人江嘉敏去年各方面發展得相當不錯,以往主力拍劇,但近期都有參與綜藝主持,坦言監製指她轉數夠快,她說:「做主持都好玩嘅,但壓力大過拍劇,拍劇可以一早預備,做主持要靠臨場發揮,好考急才。」又表示渴望有機會正式拍電影:「想呀!最好有多啲新嘗試,拍吓廣告、電影。(想同邊個合作?)之前有同張繼聰聯絡,我哋4年前一齊拍劇《誇世代》,有啲掛住佢,佢係一個好好嘅前輩,我有同佢講希望可以再合作。」
她透露下月會出埠登台,亦是第一次到馬來西亞:「我哋跟家燕姐去雲頂,會唱劇中首新歌,大家仲要排舞,我已經諗住去到瘋狂食嘢,第一次去冇理由唔食!」
曾被圈中人力追
嘉敏之前與拍拖多年的男友分手,但整個人似乎比之前更開心,她說:「好多朋友都咁講,可能focus自己多啲。我依家做多咗運動,由細到大都體弱多病,希望可以健康啲。」說到之前不時收花,她甜笑直認:「有唔同嘅人追,當識吓朋友囉!大家相處吓先。(對男友有咩要求?)一定要有上進心,唔可以懶,同埋要聰明啲嘅,自己已經夠蠢,如果畀人呃都有人幫到我。」問她會否選擇圈中人,她大爆數年前曾有圈內人追求:「都係做嘢認識嘅,對方唔係TVB藝人,不過大家唔使擔心我,我一直都有追求者嘅!」
江嘉敏擇偶首選聰明人!江嘉敏擇偶首選聰明人!
江嘉敏擇偶首選聰明人!
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500