張繼聰禁男神上台搶Fo

張繼聰早前確診新冠肺炎，將演唱會押後至明日在麥花臣場館舉行，他希望大家覺得門票超值：「多咗時間練歌，同埋聽番之前綵排嘅聲帶，檢討點樣可以唱好啲。」他指不少好友想攞飛，但嚴禁他們上台搶風頭：「各式各樣嘅男神、女神都會捧場，因為我想焦點落喺我身上，唔想同人分享，所以會用鐵鏈鎖住佢哋，唔畀佢哋上台！」太太謝安琪與孩子亦會捧場，但擔心扭眼瞓及影響翌日返學。