陳展鵬聽晒老婆話投票畀自己

陳展鵬、陳山聰、劉穎鏇、劉佩玥、伍樂怡等昨日在將軍澳為無綫台慶劇《超能使者》宣傳兼為台慶頒獎禮拉票，展鵬近期在劇中的演技被網民力推再奪視帝，他亦透露聽老婆單文柔話投自己一票：「今年可以投3票，投咗陳山聰、袁偉豪、同埋自己，以前好少投自己，但朋友、fans好支持，老婆話自己都唔投畀自己，會辜負咗佢哋。」

講到《下流上車族》的鮑起靜偏心投了他一票，反而未有投劇中兒子林敏驄，展鵬說：「咁佢係我阿媽嚟，我都有睇《下》劇，好感人、好warm。」至於視后，他則投了鮑起靜、江美儀與唐詩詠。

劉穎鏇從未追男仔

陳山聰憑3套劇集提名視帝，聲勢十足，他說：「好開心同驚訝，冇諗過咁多提名，其實有15個提名直頭要鑲起佢，將來話畀個仔聽爸爸都叻過㗎。」對於未能憑《十八年後的終極告白2.0》競逐，山聰笑說：「冇失望，多未必有用，分散晒，或者畀機會我攞多次男配角。」

劉穎鏇被看好奪得「飛躍進步女藝員」獎項，她指有提名已經很開心。講到在劇中主動追求山聰，劉穎鏇稱未試過追男仔，笑言現實中自己害羞，與劇中角色不一樣。