食得有營：黎紀君少食澱粉質排水減磅

HOY TV節目《夠鐘食晏》主持黎紀君（Christy）一直保持模特兒身形，原來身高1米68的她體重曾達115磅。由於去年要以最佳狀態拍劇，她開始嚴格控制飲食，以跑步配合低碳飲食，減少進食澱粉質食品，身形及體重有明顯改善。她分享瘦身餐單：「早餐會食一隻雞蛋，再飲杯無糖無奶嘅咖啡；午餐最開心，因為係食正常分量，而且想食乜就食乜；晚餐就會減少食麵或飯，主要食肉同埋菜。」

運動方面，Christy會空肚去晨跑，做完運動再食早餐，但並非日日如是，平均一星期1至2次，不過她堅持每日帶兩隻愛犬散步，由於要不停追住精力充沛的愛犬四圍跑，所以運動量充足，而且遛狗亦是她最愛的活動之一，有信心持之以恒。

註冊營養師（澳洲）劉嘉豪稱減少食澱粉質後，因多餘水分被排走，磅數或身形會有明顯效果，但不建議空肚逾8小時再進行超過45分鐘的跑步、行山或游水等運動，因為在前一日晚餐沒進食澱粉質的情況下，體內血糖不斷下降，如再運動容易暈眩，所以運動前應進食小量碳水化合物。