娛樂

「篤魚蛋」尾指韌帶裂 陳山聰帶保護套 胸襲劉穎鏇

陳山聰重演劇中胸襲劉穎鏇一幕,場面搞笑。 陳山聰重演劇中胸襲劉穎鏇一幕,場面搞笑。
陳山聰重演劇中胸襲劉穎鏇一幕,場面搞笑。
陳山聰昨日出席活動,被發現尾指戴上保護套,他表示是早前拍電影受傷所致,有份參演該片的林子善亦自爆周身血:「真血假血混埋一齊。」兩兄弟同病相憐!
視帝陳展鵬、陳山聰、劉佩玥、劉穎鏇與林子善等,昨日到觀塘宣傳無綫台慶劇《超能使者》。山聰重演劇中胸襲劉穎鏇一幕,炒熱氣氛。
山聰被發現左手尾指戴上保護套,他說:「之前拍電影《無間一戰》同黃宗澤個替身對打,佢加咗墊做保護,點知我『篤魚蛋』,我諗住敷冰就冇事,但老婆叫我睇醫生,一照磁力共振發現韌帶有少少裂咗,要戴保護套6星期,等佢自然愈合。」
林子善周身血
林子善補充說:「我都有份拍《無》片,期間遇到航拍機失控跌咗落嚟,我同黃宗澤都受傷,佢直頭『中頭獎』,好彩我哋抱住個頭咋!(流血?)全身真血同假血混埋一齊!」談到他於《超》劇穿「彩虹戰衣」跳艷舞,他表示不感尷尬:「佢哋有畀T-Back我打底,但我嫌攝住條屁股罅,所以最終冇着。」
至於日前入院的劉佩玥表示已無大礙:「上吐下瀉無數次,所以要入院。本來以為父母會聽到,點知佢哋熟睡,最後係姑媽發現救番我一命,差啲『暴斃』喺廁所!」問到緋聞男友周志文可有探病?她說:「冇,我好快出院喇。(傳短訊?)好多男、女朋友都有,佢係其中一個,總之大家唔使擔心,我希望下次入院係生小朋友啦!」
林子善與陳山聰拍新片齊齊受傷。林子善與陳山聰拍新片齊齊受傷。
林子善與陳山聰拍新片齊齊受傷。
劉佩玥與陳展鵬玩二人三足跨欄。劉佩玥與陳展鵬玩二人三足跨欄。
劉佩玥與陳展鵬玩二人三足跨欄。
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500