丁子朗追劇集拍檔食檸檬

藝人丁子朗接受林柏希網上節目訪問，他透露由18歲初戀開始，至今拍過3次拖，問到喊得最勁的一次，他說：「返到屋企好似悲劇男主角，燈都唔開，自己一個坐喺地下喊！」又自爆曾追求女拍檔：「長期相處實會有啲感情出現嘅！（邊套劇？）自己諗啦！（對方點樣拒絕你？）都冇話點拒絕嘅，可能真係Text Message冇咁密，會疏啲！我都好進取㗎喇！明白嘅，唔使講到咁白！」而這位女拍檔僅合作過一次。