昔日東方理文要贏冠軍＋亞冠資格
港超聯球隊理文昨午在將軍澳足球訓練中心（FTC）舉行拜神儀式及正式開操。踏入第5季領軍的主教練陳曉明，透露新季班費約2,000萬，目標是爭取本地各項錦標，以及來屆「亞冠盃」資格。
曉明Sir：樂見隊內競爭
因天雨關係，理文一眾職球員進行簡單拜神儀式後，即到球場訓練，當中8位新加盟球員，包括外援艾華頓、加維蘭、立花稜也，以及黃威、馮慶燁等本地球員皆有現身。主教練陳曉明大談球隊目標：「拎到亞協資格再提升就係亞冠，另外本地聯賽、盃賽今年目標都係贏，我唔會再話要第幾名，一定係要贏。」
理文現時大軍名單多達29人，「曉明Sir」坦言爭聯賽冠軍陣容一定要強大，相信一眾新兵可加強整季的穩定性，並有助提升隊內競爭力：「球員只要稍有失準，可能就會被取代，相信佢哋都感受到。」
兩位新兵黃威及立花稜也昨日均有現身，黃威表示受球隊的控傳風格吸引來投，亦無懼與亞哥斯達等外援爭位：「未試過同亞哥斯達夾，但就有對過佢，佢係一位好難應付嘅對手。」至於立花稜也表示自己除擔任左閘外，亦可參與進攻，他又指新隊友對他十分友善：「每個人都肯幫我，喺呢度好開心。」圖、文：李浚湣、鄧文滔
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
