吳卓羲唔講「女友」 被兄弟玩謝

日前吳卓羲（Ron）、張建聲及黃德斌齊為電影《逃獄兄弟3》宣傳，張建聲稱全男班拍戲特別開心：「唔使囉唆就埋位，唔好阻住啲人返屋企做自己嘢嘛。」問Ron拍戲可有阻住拍拖？他強調：「冇喎，我開緊第二組戲，自己分配到時間。（感情明朗化？）我冇講，分配到親情同阿媽食飯。（女友呢？）唔講呢啲啦！」似「剝花生」的張建聲及黃德斌，突然雙雙彈開，令Ron大叫：「做乜啫，你哋？」張建聲就「踩多腳」說：「畀個單頭你呀師兄，我哋好識走位。」並謂絕不過問Ron私人事。