每個電話畀1千蚊袁嘉敏反口認收鍾培生錢

「三級港姐」袁嘉敏前日爆百億富三代鍾培生及其父曾向她提出古怪要求，令外間有無限揣測，昨日鍾培生終打破沉默發聲開戰，承認曾向她提供經濟援助，惟雙方因性格不合已半年多冇見，更質疑女方的舉動令人有「多人運動」的聯想。而袁嘉敏對於「經濟援助」的說法前後矛盾，更「走佬」到法國！

袁嘉敏公開怒斥鍾培生及其父曾向她提出「古怪要求」，被問到是否與性有關，她故弄玄虛說：「唔想提住。」引起外間無限揣測。鍾培生昨日終於發聲，稱去年認識女方，曾提供經濟支持，後因性格不合而於去年中停止見面，此後女方多次透過社交媒體騷擾他及友人，又「索取更多的經濟援助」。鍾培生又指袁嘉敏截取他網晒的全家福是「處心積慮」：「內容引導媒體和網民猜她在我家已住了一年，當中提及甚麼古怪要求，甚至無理到令人猜想多人運動。」

「唔畀等於佔便宜」

昨日袁嘉敏稱鍾培生的說法非事實：「我拒絕咗佢嘅錢，我話朋友唔好下下講錢，但佢堅持要畀，全部係佢自己主動提議。佢咁講我唔意外，因為佢最愛計錢，佢咁講係想令人覺得件事係為咗貪佢嘅錢。佢搵我傾心事時，都叫我每個電話收番佢一千蚊，我唔肯，佢仲話：『我成日搵你傾，你又唔肯收，唔係咁好。』」

惟她及後轉口風，突然承認收過對方錢，但只是交往初期，並由男方做主動，理由是「唔畀就等於佔她便宜」。被問為何分手及拍拖多久，她未有正面回應，只說：「佢做拳賽時，我支持佢，冇理由一邊支持一邊計錢，佢年紀又細過我，我點好意思收，但佢嘅思維總係圍繞錢。」

離港避走巴黎

她又發文表示將前往巴黎，她回覆本報時只以「畫廊」2字回應為何去法國，似跟其畫廊工作有關，她又說：「瞓得麻麻，飛吓。」又在網上指男方在陳詩欣婚禮上致詞的講稿是由她修改，同時有傳她曾在陳詩欣的婚照留下「垃圾」兩字，惟未知真偽。

身為鍾培生死敵的林作，認為鍾袁2人的回應各有破綻：「鍾生破綻係好難以性格不合，停止提供經濟支持，好耐人尋味，奇怪要求解釋唔到。」