Tyson Yoshi不忿女友捱批

歌手Tyson Yoshi早前不忿女友Christy被網民批評外貌，開直播時嬲到爆粗，他表示當刻真的很憤怒，但翌日已下火：「唔應該畀咁多注意力喺網絡班友，下次唔使回覆佢哋！如果講我係不痛不癢，但係講我身邊啲人，佢哋好無辜，畀我拖落水，有種自責、無奈感。」他指女友在其心目中「梗係靚」，問到會否如出爐奧斯卡影帝韋史密夫出手打人？他笑說：「要佢企我面前先得，佢喺電腦後面，我在明，人哋在暗。」他又透露女友沒有為此動怒：「佢冇乜嘢，因為佢中學讀女校會有呢啲嘢，慣咗。」