美洲兵返英韋斯咸最揼本

每逢國際賽期完結，最頭痛係要接一班跨洲比賽嘅球星返嚟歐洲比賽。英超多支球隊為接旗下美洲兵出盡法寶，其中曼聯、列斯聯、曼城同利物浦聯手租用私人飛機，接載艾利臣比加、法賓奴、加比爾捷西斯、艾達臣摩拉斯、拉芬夏比洛尼同費特6位巴西國腳返英國。不過最誇張都係韋斯咸，為咗接查利安東尼奧由牙買加返倫敦，主席蘇利雲斥資10萬鎊租私人飛機，等佢可以喺周六作客狼隊，相當豪氣。