余詠珊樂易玲難得同場

一對新人圈中人緣甚佳，方力申、江若琳夫婦、陳敏之、洪永城、陳煒、吳業坤、陳柏宇、陳展鵬夫婦、薛家燕及林盛斌等都有到賀。前無綫高層余詠珊偕老公何哲圖（Herman）現身，與現任高層樂易玲及王祖藍難得碰頭。

余詠珊與Herman最近各自經營製作公司，前者將為香港開電視製作選秀騷，預計最快明年4月推出，她表示：「依家諗緊想點做，之前《聲夢》揀人都揀咗4、5個月，所以今次都唔急，我同開電視可以話一拍即合。（暗示無綫節目唔好？）唔係咁嘅意思，總之3間電視台一齊做好啲，對觀眾係好事。」當日《聲夢》進行期間，她與Herman先後離巢，問到新的選秀騷是否為了圓夢？Herman否認：「唔關事，成個娛樂圈都需要更多新人。」對於其舊將如菊梓喬，似乎被無綫投閒置散，他並不認同：「唔係，相信會有嘢畀佢哋做。（有冇諗住向舊將招手？）暫時冇呢個想法。」