A0女神游嘉欣嚴選初戀對象學咀功

無綫小花游嘉欣、林正峰、施焯日、曾展望（GM）等主持的J2節目《不能只有我看到的便利店追女神食譜》明日首播，除了介紹便利店美食，更會考驗男主持們的追女仔功力。率先上場的GM面對「A0女神」嘉欣，雖然已出盡力獻技，但仍被嫌棄老土兼神化，更反白眼揶揄：「你用呢啲招追女仔，我諗你到依家都A0。」

而嘉欣亦於節目大談擇偶條件，除了要比她年長至少5年，也寄望對方傳授接吻技巧，此舉卻嚇窒GM，不過嘉欣則淡然表示：「你冷靜啲先，如果兩個人一齊摸索好似有啲尷尬。」

酒店裸背Happy

此外，嘉欣近日聯同陳欣茵為無綫娛樂新聞台拍攝酒店Staycation專題，兩人走到一個充滿澳洲色彩的房間取景，又換上泳裝到泳池戲水，穿上鮮黃色泳衣的嘉欣大晒纖腰，與同樣露腰的欣茵一樣吸睛，之後更齊齊裸背做Massage，狀甚享受。兩女亦齊齊於酒店享受海鮮餐，嘉欣笑指平日外遊定必品嘗當地海鮮餐：「好神奇，我覺得每個地方水域唔一樣，啲海鮮食出嚟都唔一樣味，如果去歐洲地方，我多數都會買當地牛扒嚟自己煎，因為出外食實在太貴，窮遊就要去超市入貨。」