娛樂

母愛帶挈演技昇華 鍾嘉欣會2大視帝 臨場激發火花

嘉欣獲推舉為視后,她卻不抱厚望,只求從演戲中得到滿足感。 嘉欣獲推舉為視后,她卻不抱厚望,只求從演戲中得到滿足感。
嘉欣獲推舉為視后,她卻不抱厚望,只求從演戲中得到滿足感。
花旦鍾嘉欣闊別公仔箱6年,最近在新劇演醫生演技大躍進,頓時被推舉成為今屆視后大熱!不過已是兩孩之母的她直言對獎項沒太多想法,只享受從角色中尋找樂趣。提到與兩大視帝鄭嘉穎及馬國明首度合作火花不斷,她笑言全因與2人不熟落,臨場發揮反而產生更強化學作用。
自2015年主演劇集《警犬巴打》後,鍾嘉欣就返加拿大,之後經歷結婚生仔等人生大事。熱愛演戲的她去年終重返娘家拍攝《星空下的仁醫》,飾演兒科心臟科醫生,大抵現實中是人母,所以面對劇中小朋友病人時充滿母愛,觀眾紛紛大讚她脫胎換骨、演技有層次,有望登上今屆視后寶座。
角色聯繫自身
問到當初為何願意暫時放下家庭,隻身返港拍劇?她指首次聽到故事背景時,已感受到角色與自身的聯繫,自覺有信心駕馭:「呢6年成長咗好多,冇嘢會比成為父母更快速成長,尤其對小朋友題材有好深感受,今次可以同小朋友拍戲係好開心。呢套戲有講大肚,我佗過就仲易投入。(難度喺邊?)對白,醫學名詞要背到好熟同講得自然,唔可以放太多感情。今次角色好有型、瀟灑,做手術好叻、好快,好開心可以做到咁叻嘅女人。(觀眾讚你演技有層次。)多謝!我真係花咗好多心機、做咗好多功課,劇本寫到花晒。」
視后寶座非首要考慮
以往多次與視后寶座擦身而過,如今機會似乎再次降臨,嘉欣卻淡然表示:「攞視后呢樣嘢冇經過我個腦,真心冇諗,已經過咗呢個時期。20幾歲時會想拎好成績,依家心態係覺得適合同想做就去做,好多嘢唔喺掌控之內,唔係人生入面嘅重要成分,最緊要係過程中學到乜。」
劇中與馬國明及鄭嘉穎演同期同學兼多年好友,鏡頭前火花四射,鏡頭後卻毫不熟落,嘉欣說:「嘉穎幾Cool,即使多對手戲,但唔係好多溝通,同馬國明就唔係好多戲。觀眾睇到3個一齊有火花,其實好多時係佢哋即場嚟料,大家都估唔到對方做乜嘢,埋位時你畀咩,我就畀咩你,可能就係冇特別計劃下演出先有新鮮感。」
劇中與馬國明及嘉穎表現合拍,嘉欣卻坦言戲外接觸不多。劇中與馬國明及嘉穎表現合拍,嘉欣卻坦言戲外接觸不多。
劇中與馬國明及嘉穎表現合拍,嘉欣卻坦言戲外接觸不多。
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500