產經

絲絲講場:華科企死對頭又爆鍵盤戰

騰訊同字節跳動嘅牙齒印非一朝一夕嘅事。 騰訊同字節跳動嘅牙齒印非一朝一夕嘅事。
騰訊同字節跳動嘅牙齒印非一朝一夕嘅事。
中國科技巨頭騰訊控股(00700)同抖音母企字節跳動喺爭網民用戶時長方面,一直係死對頭,近日又爆出「鍵盤戰」。話說字節跳動副總裁李亮周一發文,炮轟騰訊利用影響力,借公權力跨省抓捕批評其網遊嘅一名老師。
字節跳動轟騰訊「迫害良民」
李亮喺社交平台轉載官媒文章「中紀委網站:資本介入是青少年沉迷網遊的重要因素,相關企業不能唯利是圖」,關鍵係分享文章嘅同時辣埋騰訊,話佢同某機構出台報告稱遊戲無害,受某中學老師批評,「就這一篇批評文章,騰訊就推動某地公安立案,刑詢這位反對遊戲毒害學生的中學老師,此案至今沒有結論」。
文尾仲話「資本對於公權力的影響與控制,可見當年是如何猖狂和肆無忌憚」。「資本」兩個字可圈可點呀,擺明針對中央依家最忌嘅「資本無序擴張」,可見佢用力之「精準」。
其實,騰訊上月已經宣布掟500億元人民幣出嚟響應中央嘅「共同富裕」。不過,李亮嘅鍵盤仍然唔放過企鵝仔,而且拉呢位老師都已經係3年前嘅事啦,就連內地網民都覺得李亮挖番出嚟「鞭屍」都幾莫名其妙。
不過,騰訊同字節跳動嘅牙齒印並唔係一朝一夕嘅事。今年6月,騰訊副總裁孫忠懷批評「低智短視頻像豬食(豬餿)」、「拉低用戶心智」。抖音方面出嚟還擊嘅正正就係前者提到嘅李君,炮轟騰訊自己大力發展短視頻同時,一直在攻擊短視頻行業。點都好,兩大科企話晒都威到出國際,以雙方都互不相讓嘅勢頭,真係唔知呢場口水戰幾時先完。企鵝仔又點回應呢?就係「不予置評」!
余絲韻
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500