波蘭6泳手未達標遭遣返

東京奧運鬧劇日日有，今次輪到波蘭。日本傳媒報道，波蘭泳協上報嘅游泳代表團名單出現罕見蝦碌，23名泳手當中，有6人不符合奧運資格，原因係上報名單時未有確認佢哋嘅達標成績，呢6個人都未達奧運A標，亦唔係奧運受邀嘅B標選手，佢哋唔可以參加奧運。按照東京奧組委規定，未獲奧運資格嘅運動員不能入境，結果上述6人被即時遣返，真係瘀到爆。