昔日東方今夜一丁：青科真紀 轉行賣奶更加掂
做得美容產品嘅Sales，通常都係皮光肉滑、白白淨淨嘅靚女，咁先有說服力去吸引顧客幫襯，而今日為大家介紹嘅寫真女優青科真紀，本應好啱食呢行飯，但原來佢仲有一副好身材，於是決定走出舒適圈，轉投寫真界，結果愈撈愈掂！
曾做美容顧問
唔少後生仔女剛投身社會都試過騎牛搵馬，畢竟想搵到適合自己嘅行業，有時真係要落手落腳做過先知，今年25歲嘅青科真紀就係人辦，起初一直搵唔到一份理想工作，曾經做過牙醫助理、便利店店員、烤肉店侍應，之後轉做美容顧問，因為個樣都算OK，似乎幾有錢途，但最終都係決定加入寫真女優行列。
眼神帶妖媚
講真青科真紀唔算生得好靚，但勝在眼大大，仲要眼角散發住幾分妖媚神韻，搵佢扮演專門勾引男人嘅蜘蛛精或狐狸精，應該幾入型入格。身材方面，阿妹有前又有後，一對八字波有成F Cup咁勁，質感天然又富彈力，絕對有條件喺寫真界立足，難怪佢自己都話拍寫真係一條合適嘅發展途徑。
表演欲非常強
真紀喺2017年被發掘做寫真女優，話說當時佢喺「週刊Weekly Playboy」搞嘅酒場做兼職女侍應，機緣巧合下被雜誌社嘅職員睇中，正式展開寫真女優生涯。阿妹仲話，除咗拍寫真，佢都好想做演員，希望有朝一日可以爭取到演戲機會。其實真紀依家已經係女子組合「Yanchan學園音樂部」成員，可見佢嘅表演欲真係相當強。
青科真紀
年齡：25歲
身高：5呎1吋
三圍：34F-24-33
社交網站
近期青科真紀幫唔少雜誌拍水着照片，只要登入佢嘅社交網，就會搵到唔少靚相。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
