男極圈

今夜一丁:似鳥沙也加 谷奶有法

唔少演員為做好個角色而增肥,工作態度夠專業,而喺日本寫真界亦有唔少女優為咗滿足觀眾嘅眼球而積極增肥,似鳥沙也加就係其中之一,而佢嘅增肥方法就係飲奶,至於男士們就梗係鍾意睇佢對D奶喇!
柔情美乳
小弟欣賞咗咁多年日本寫真女優,當中有唔少女優特別鍾意,佢哋唔單止秀色可餐,仲因為佢哋對於做好寫真女優呢份工相當執着同專業,就好似今日同大家見面嘅似鳥沙也加咁。
雖然今年佢已經29歲,但係外表同初出道時一樣咁青春可人,完全冇出現老態,美艷程度可以話更上一層樓,柔情似水嘅感覺,簡直令男人融化,喺寫真界實在少見!除咗氣質迷人,身材亦同樣出類拔萃,一身肌膚白滑如牛奶,骨架纖瘦卻又前凸後趷,胸前擁有一對天然D奶夠彈手,呢種瘦身大波身材實在吸睛之極!
敬業樂業
沙也加之所以睇落有少少病態美,原因可能同佢細個患有情緒病有關,所以佢曾經諗過做心理醫生幫助他人,雖然就冇做到,但係阿妹依家憑住吸睛寫真照治愈唔少麻甩佬嘅心靈,都算係幫助到人吖!
講到有心,沙也加對粉絲可以話充滿愛心!有「百萬社交網女王」之稱嘅佢,喺社交平台擁有好多粉絲,據聞粉絲嘅留言佢都會一一回應,而且仲會記住粉絲嘅名字添!除咗喺呢方面顯得敬業又樂業之外,早前佢拍攝首本個人寫真集嘅時候,亦為咗滿足大家眼球,特別喺拍攝前兩個星期瘋狂飲奶谷胸,結果成功增肥咗3公斤,令身材顯得更圓潤一啲,上圍再大一啲先進行拍攝!你話喇,敢為他人而增肥嘅女仔,世界仲剩番幾多個先!
Profile
年 齡:29歲
身 高:5呎4吋
三 圍:35D-23-35
社交網站
似鳥沙也加唔單止勤力工作,亦相當勤力上載性感照畀大家欣賞,而且仲樂於同粉絲交流,難怪深受歡迎,如果想同阿妹傾偈,不妨喺佢嘅社交網留言,大前提係你要識日文啦!
撰文:賢
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500