有性趣：自娛提升工作效率？

Chemist4U表示為研究英國打工仔喺上班時自娛嘅行為，向2,000名男女進行調查，結果發現有14%受訪者表示有喺工作時間內自娛，當中男士嘅數目比女士多3倍。研究又發現當中年薪3.5萬至4.5萬英鎊嘅一群中，有近三分之一表示有自娛行為，而年齡24至34歲嘅人士佔27%，其次係35至44歲佔18%，跟住係45至54歲佔15%。與此同時，單身人士比已婚人士有更大機會出現呢個行為，只係要留意，已婚男女嘅自娛時間卻較長，平均達38分鐘。話說回來，點解呢班打工仔會喺上班時間內自娛呢？有受訪者坦言因為工作壓力大，需要減壓放鬆，亦有人話因為早前疫情期間，慣咗喺家居工作時總要自娛一番，所以依家返到公司工作仍然習慣咁做。