今夜一丁：河北彩花隆重復出萬人迷

周不時都會有朋友問我近年有邊個AV女優值得追捧，而我嘅答案都會有一個花字，因為名字中有花字嘅好多都係極品女優，例如已經引退嘅明日花綺羅，近年相當受歡迎嘅輕熟女山岸逢花以及擁有模特兒質素嘅星宮一花等，當然唔少得今日同大家見面嘅河北彩花啦！

今年23歲嘅佢，幾年前出道之後就消失咗，直至上年年尾復出，雖然樣貌比以前少咗幾分少女味，但卻多咗一份綺麗高貴氣質，比起幾位以絕色美貌聞名嘅女優如友田彩也香、愛音麻里亞絕不遜色！身材方面，亦比初出道時更加纖巧，配上大小適中嘅C奶以及雪白肌膚，可以話相德益彰，加上本身有成5呎6吋高，令整副胴體顯得更曲線迷人！

彩花喺2018年4月登場，擁有「透明感之王道美少女」稱號，由於外形吸引，初出道就獲得廣大AV迷支持，作品銷售成績亦相當理想，當其時喺AV銷售網FANZA嘅銷售排行榜最高銷量作品10強之中，有3部作品都係由彩花主演。此外，出道作更加榮獲FANZA成人大獎嘅「動畫部門獎」及「出租部門獎」，真係威過威士忌呀！

不過彩花唔係威得好耐，唔係話佢好快就人氣下滑，而係阿妹為AV大廠S1拍咗6部作品後就神秘引退，有消息話係因為佢拍AV嘅事情被家人發現後極力反對喎。正因為彩花曇花一現加上演出質素極佳，引退之後令到好多AV迷牽腸掛肚，非常期待佢復出。直到上年年尾，彩花終於回歸，而且氣勢仲比以前更勁，無計啦！復出後唔單止索咗好多，演出仲比以前更加出色，推出嘅新作好多都榮登周間銷售榜冠軍添！至於點解會突然復出呢？彩花表示做一般工作完全冇成就感，都係拍AV最能夠贏得大家嘅認同及讚賞喎！

年　齡：23歲

身　高：5呎6吋

三　圍：34C-23-33

撰文：賢