男極圈

喜雙飛:脫界顏值擔當 美俄鬥省鏡

邊個男人唔鍾意樣靚身材正嘅脫星?喺雲集眾多索女嘅四仔界中,就有兩位經常被四仔迷拿嚟作比併,佢哋就係美國代表Lily Ivy及俄羅斯代表Kaisa Nord,唔知大家覺得邊個吸引啲呢?
女神美貌
如果要數現今美國四仔界嘅顏值擔當,Lily Ivy肯定係其中之一,事關佢五官標致,擁有模特兒嘅身材,絕對係女神級數!喺美國賓夕凡尼亞州出生嘅佢,入行前係一位人氣成人女主播,但原來佢仲有另一個不為人知嘅身份,就係心理學學生。佢表示自細對心理學有濃厚興趣,但入讀大學後卻發現當中唔少嘅理論,都要靠自己嘅經驗分析,由於佢社交經驗唔多,加上經濟壓力,於是佢就從事成人直播工作搵快錢,同時增加自己嘅社交經驗同技巧,亦可以從中更了解男性嘅諗法。
直至2015年佢就投身四仔界,憑住出眾嘅外形而火速冒起,更成為首屈一指嘅顏值脫星,之後佢更踩入埋裸模界,實行全方位搵錢,而佢嘅四仔作品同寫真更紅到去歐洲,足見實力強勁。
Lily Ivy
出生日期:1995年8月16日
身高:168cm
三圍:32D-22-32
魅力爆棚
嚟自俄羅斯嘅Kaisa Nord,不論樣貌及身材都絕對係模特兒級數,而早喺佢投身四仔界之前,已經喺歐洲嘅寫真界拍露點寫真,更擁有極高人氣,同時佢亦以展銷女郎身份喺各大展銷活動上登場。至於點解後來會走去做脫星?理由好簡單,就係為咗錢!
話說喺2018年一個活動上,佢認識到著名美國四仔片廠Tushy嘅老闆,對方被佢嘅魅力深深迷倒,於是邀請佢演出一套四仔短片,雖然Kaisa Nord未有透露收咗幾多片酬,但有業界人士話肯定係天后級價錢。之後呢套四仔短片喺2019年1月於Tushy官網上發布,就係話題性兼人氣度極高嘅《Perfect Plan》。稱呢套作品為話題作嘅原因,在於佢唔單止係Kaisa Nord嘅處女作,更係一套以後門為主題作品,對於當時係四仔新人嘅Kaisa Nord嚟講,甫出道就演出咁重口味嘅題材,睇嚟呢個銀彈絕對火力十足!
Kaisa Nord
出生日期:1993年7月19日
身高:167cm
三圍:34D-26-34
第1回合:鬥樣貌
雖然話靚樣嘅標準好主觀,但亦可以從粉絲嘅評價中,獲得相對客觀嘅評審。嚟自美國嘅Lily Ivy樣貌絕對符合亞洲男士心目中金髮美女嘅口味,尤其係一對迷人電眼,更散發出女神般嘅魅力。不過歐美兩地嘅男士卻反而覺得Kaisa Nord更加迷人,而呢點亦可以喺各大討論區得到證實,睇嚟東西方男士嘅評審標準真係有啲分別呀!
第2回合:鬥身材
裸模出身嘅Kaisa Nord,身材梗係一流,尤其係一對34D巨乳夠晒吸睛,而長期鍛煉深蹲嘅佢,更練出34吋美股,渾圓得嚟又彈力十足。而作為人氣成人女主播嘅Lily Ivy,身材同樣有睇頭,不過佢對車頭燈唔夠前者咁勁,臀圍亦冇咁豪華,好彩一對美腿亦夠煞食。
第3回合:鬥獎項
擁有迷人外形嘅Lily Ivy,挾住人氣成人女主播之名,喺2015年進軍四仔界,先後多次獲得「最佳新進脫星」及「最佳性愛演出」嘅提名。不過Kaisa Nord就更勁,2019年出道嘅佢,喺2020年舉辦嘅XBIZ頒獎禮奪得「最佳床上演出獎」,明顯更勝一籌。
Report:女神化身
作為脫界嘅顏值擔當,Lily Ivy同Kaisa Nord兩位脫星嘅美貌都係無可挑剔,只係私心啲講,小弟會比較鍾意Lily Ivy多啲,覺得佢簡直係女神嘅化身。不過講到喺歐美兩地人氣嘅話,卻係Kaisa Nord稍勝一籌,否則兩位又點會經常被四仔迷用嚟比較呢?
撰文:魂
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500