男極圈

有性趣:單腎草補腎清肺

家陣疫情漸趨緩和,但每日依然有新增個案,大家一定要繼續做好防疫措施,千祈咪臨天光瀨尿!講到要強身健體,有乜嘢藥材對肺部有益之餘,又可以幫男人增強雄風呢?今日為大家介紹嘅單腎草,只要用得其所,就可以帶嚟一石二鳥嘅功效!
又名雞腎參
單腎草係雙子葉植物藥蘭科植物,有多個別名,包括雞腎參、雞腎草、獨葉一支花、無柄一葉蘭、雨流星草、扇葉舌喙蘭、裂瓣玉鳳花等等,喺四川、湖北、湖南、貴州、江西、福建、廣東等地都會見到佢嘅蹤影。
可改善腎虛
喺中醫學角度,單腎草味甘,性平,歸肺經、肝經、腎經,具有補腎清肺功效,可以改善腎虛、腰痛、陽痿、前列腺炎、夜間頻尿、小兒遺尿、腹股溝疝氣、肺熱咳嗽等多種問題。
外用亦得
單腎草可以入藥,配合其他藥材一齊使用嚟增強功效,亦可以單味煎湯內服,仲可以外用,例如有醫書記載可以用單腎草嘅線塊根搗爛,然後取汁滴耳,以治療中耳炎。不過,無論呢種草藥有幾神奇,大家最好向專業人士查詢,唔好亂咁用藥,咁先係最妥當!
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500