男極圈

有性趣:古代性教育春宮圖

提起「春宮圖」,相信對大家嚟講一啲都唔會陌生,只係講到古代情色作品,又點止得春宮圖一種呢?中國情色史專家殷登國便搜集並分析古代中國嘅情色文化,撰寫出呢本《春:中國古代情色文學和春宮秘戲圖》。
面紅耳熱
喺書中,作者先從古代嘅情色文學開始講起,例如大家有冇睇過古代香艷無比嘅詩詞呢?作者表示可以透過佢哋嘅作品中,探視古代嘅男歡女愛及性癖好。經過佢嘅研究發現,古代唔少名人表面上正經八百,但佢哋筆下嘅香艷詩詞卻係令人面紅。此外,仲有古代對於性愛體位嘅研究,當中嘅招式甚至連日本AV嘅所謂「四十八手」都相形見絀,部分體位更係令人意想不到,例如喺坐騎上交歡嘅玩法,令人大開眼界!
名家出品
講到情色文學,當然唔少得「春宮圖」。據作者講「春宮圖」又稱「秘戲圖」,以交歡為主題嘅畫集,而明代仇英、唐伯虎,清代嘅馬振、改琦、郎世寧等均係著名春宮圖畫家,而古代民間唔少夫婦都會私藏「春宮圖」。此外,當然唔少得著名嘅《素女經》等房中術著作講解,只係佢並非講解書中內容,而係講呢啲書對當時社會所帶嚟嘅影響。不過講到最有趣嘅內容,就係古代皇帝原來都鍾意「外國貨」!之但係「外國貨」係乜?咁就要留畀大家自己睇呢本書喇!
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500