有性趣：艾灸神闕穴強壯機能

大家都知，當我哋仲係胎兒嗰陣，全靠同母體相連嘅臍帶呼吸同吸收營養，即所謂先天真息狀態。直到我哋脫離母體，臍帶被切斷，呢種真息狀態亦會中止，需要靠肺開始呼吸。換句話說，冇神闕穴嘅話，生命根本不會存在。如果人體可以重新啟動胎息功能，就好似給予人體重新建立一座能源供應站一樣，百脈氣血得以自動調節，就能達到健康無病嘅目的。

經常對神闕穴進行鍛煉，可以令人體真氣充盈、精神飽滿、體力充沛、腰肌強壯，更重要嘅係可以令男人回復陽氣同強壯身體機能！

鍛煉方法就係用掌心來回打圈按摩肚臍位置。另外，大家亦可以透過溫灸法，以艾條喺神闕穴距離約1至2吋嘅位置，進行溫灸15至20分鐘，有助治療遺精、陽萎、痛經、盜汗、神經性嘔吐等。