有性趣：海星原來係壯陽救星

從中醫角度嚟睇，海星相當有益，自古就被製成中藥，味鹹、性溫，歸胃、腎二經，功效包括滋陰、壯陽、祛風濕，更可以治療陽痿及腰腿痛，有效緩解因房事過度勞累而導致嘅腎虛，亦具有美容作用，而且補而不燥，絕對係男女都啱食！此外，海星含有酸性黏多糖，可以提高免疫力，同時補充豐富嘅膠原蛋白及維他命，對於身體相當有益處，有助強身健體。

海星主要食殼裏面嘅肉，亦即係海星籽，取出後洗淨隔水蒸15分鐘，用白醋和芥末調味即可，特別爽口。另外，可以用嚟炮製燉湯，而海星燉瘦肉就有壯陽、補腎虛嘅作用，做法係將曬乾咗嘅海星洗乾淨後浸水備用，將瘦肉用滾水汆一汆之後，放入燉盅，再加入海星、龍眼肉及清水，隔水燉3小時之後，加適量鹽便可。