昔日東方有性趣：鹿肉補腎氣最強
好多人都鍾意食肉，不過多數都係食豬牛羊雞魚，其實仲有一種肉類好味道之餘，仲對男士有補益作用，就係鹿肉。從中醫角度而言，其味甘，性溫，歸脾、腎經，屬於純陽之物，功效包括能益氣血、補虛羸、補腎益精，補益腎氣功效更係肉類之首。
營養價值高
鹿肉含鐵、鋅及維他命B，而且高蛋白質、低脂肪、低膽固醇，不但對人體嘅神經系統、血液循環系統有良好嘅改善調節作用，仲有養肝補血、降低膽固醇、防治心血管疾病等功效。
據李時珍所著嘅《本草綱目》稱：「鹿之一身皆益人，或煮或蒸或脯，同酒食之良。大抵鹿乃仙獸，純陽多壽之物，能通督脈，又食良草，故其肉、角有益無損。」足見鹿肉相當有益。
中國古代最嗜吃鹿肉嘅皇帝，就係唐玄宗，不但係佢嘅養身之道，亦係用來滿足私慾嘅壯陽之物，所以當安祿山得知之後，就命人做了一道「鹿尾巴漿」進貢畀唐玄宗，以獲寵信。
鹿肉杜仲湯
做法：將120克鹿肉及12克杜仲同放入煲內，再加水煎煮，煮到鹿肉熟透，就可以加鹽、胡椒調味，可以飲湯食肉。
功效：改善肝腎不足、陽虛精少所致嘅腳膝乏力以及陽虛尿頻。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
