要聞港聞

政情:噪音擾人立會擴建分段進行

立法會大樓5樓花園平台暫停開放。(馮子健攝) 立法會大樓5樓花園平台暫停開放。(馮子健攝)
立法會大樓5樓花園平台暫停開放。(馮子健攝)
立法會大樓正在進行擴建工程,但有議員辦事處反映話有噪音喎。有見及此,立法會秘書處話已經了解情況,無可避免平日會有工程嘅,但為咗進一步減低對議員們的影響,承辦商將分階段進行工程。
秘書處向議員發出文件,話承辦商依家喺立法會大樓10樓做緊防護台工程,預料出年2月完成。為保障大樓使用者安全,由本周起至明年1月中,暫停開放5樓天台花園,但5樓咖啡閣就唔會受影響嘅。
由於有議員辦事處話上述工程喺日間進行期間,曾間歇發出噪音。秘書處同相關議員辧事處同承辦商了解後,話儘管噪音工作已盡量安排喺非辦公時間,即係包括平日晚間、周末同公眾假期進行,但由於大樓喺原址擴建,無可避免要喺平日日間進行一啲必要工序,當中包括可能產生若干聲響嘅工作,先可盡量確保擴建工程如期完成。
籲議員使用中信共用空間
喺平衡各方需要,工程承辦商會盡量將有聲響嘅工程安排喺朝早10點前、午飯時段即下午1時至2時,同埋下午6點後。秘書處仲話如果有需要,議員可以預訂立法會大樓3樓嘅7間會客室,或者中信大廈嘅13樓共用空間。
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500