昔日東方政情：高官 議員 睇七欖賽 將口罩拋開
雖然欖球並非港人嘅主流運動，但香港大球場再度雲集世界各支七人欖球勁旅一較高下，部分市民都樂意入場支持一下，而此次賽事容許觀眾席範圍內飲食，即期間觀眾可不戴口罩。有議員同官員就喺尋日親臨場地感受賽事嘅熱烈氣氛，仲「入場隨俗」，與來自五湖四海嘅球迷觀眾融為一體，齊齊暫時將口罩拋開，振臂高呼！
氣氛感染 卓永興歎黑啤
議員林健鋒話好高興今次可以喺場內飲食，實有賴各方努力同受惠於防疫措施進一步放寬，之但係，個人衞生亦要時刻留神，盼香港可以早日復常，各項國際盛事都會陸續有嚟！同埋要話畀全世界知，香港盛事之都嘅美譽，唔係浪得虛名㗎！
政務司副司長卓永興就約同財政司副司長黃偉綸，兩人專程出席觀看香港對新西蘭嘅賽事，為香港隊吶喊助威！仲一邊飲酒一邊觀賽，儘管卓永興酒量甚淺，然而受到場內恍如嘉年華嘅熱鬧氣氛感染，佢都飲番兩啖黑啤，盡情投入賽事嘅呼叫中！有主場之利嘅香港隊勇猛異常，成功達陣兩次，然而實力還是有所不及，結果都係不敵新西蘭！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
