政情：周五着便服 塑造健康公僕

鼓勵公務員穿便服上班，其實並非新鮮事。2006年政府內部曾推出「夏日輕裝運動」，呼籲公務員穿整齊便服上班以減低能源消耗。至於今次要求公務員穿便服嘅理由，楊何蓓恩指今年嘅「全民運動日」將於明日舉行，冀公務員同事積極參加之餘，並由尋日開始，政府僱員逢星期五可以穿着運動服或便服上班，培養恒常運動嘅好習慣、公餘時間多啲參與康體活動，保持身心嘅健康，平衡日常工作同生活需要。

香港公務員總工會主席馮傳宗十分支持政府推行有關措施，佢尋日亦有穿便服上班，又期望可以帶動其他公司響應，相信「星期五便服日」能塑造政府關心公務員、建立公僕正面同良好嘅形象，變相提高政府嘅施政民望。