昔日東方政情：疫禍升溫 私隱專員財庫局政助確診
疫情嚴峻，確診個案尋日更突破5,000，可見社區有好多傳播鏈，人人自危。
好似個人資料私隱專員鍾麗玲咁，尋日做咗快測，結果係確診，現正隔離，而財經事務及庫務局政治助理葉俊廉同環境及生態局局長政務助理李泳嘉亦都中招。
私隱公署話鍾麗玲最近一次上班日期為上周，喺工作時有佩戴口罩同遵守有關防疫措施，並定期進行快速測試，最近並冇外遊紀錄。公署亦已為相關辦公室進行徹底清潔及消毒。
中咗招嘅葉俊廉最近一次上班日期係本周二，亦冇外遊紀錄。財庫局局長許正宇同副局長陳浩濂每日都有做快測，佢哋都冇染疫。局方已為相關辦公室進行徹底清潔同消毒，並安排相關同事接受檢測。
環境局政務助理亦中招
對於李泳嘉確診，環境局話佢最近一次上班係上星期五，日常主要喺辦公室工作，最近冇外遊紀錄，又話局長謝展寰每日都有做快測，結果係冇確診。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
