政情：未婚麥美娟 七夕祈福覓姻緣？

尋日係農曆七月初七，即係七夕，乃民間傳說牛郎織女一年一度相會嘅日子。黃大仙祠就趁住七姐誕呢個東方情人節，邀來幾位政界女士擔任祈福科儀獻供嘉賓，包括民政及青年事務局局長麥美娟、行政會議召集人葉劉淑儀及議員陳曼琪等等。豈料儀式時辰一到，雨勢滂沱，活動主辦方就話係上天要潔淨大家嘅心靈去參與儀式。