要聞港聞

政情:洪雯遊本地溫室 嘆政府支援缺乏

洪雯參觀咗一個新式溫室同漁場。 洪雯參觀咗一個新式溫室同漁場。
洪雯參觀咗一個新式溫室同漁場。
香港整體食物供應超過90%為進口食品,想食到本地生產嘅食物,妤多時都要花心機去尋找。之不過,選委會界別嘅議員洪雯似乎有另一種睇法,甚至話香港要有糧食安全意識。唔知有咩啟發咗佢呢?
倡發展多層式室內種植
原來日前洪雯驅車走入流浮山,仲參觀咗一個新式溫室同漁場,其中負責營運嘅都喺一班年輕人。洪雯喺社交平台分享,話佔地15,000呎嘅農場分為兩大部分,其中溫室種植水耕沙律菜,月產4噸;其餘地方,就用嚟養殖淡水龍蝦等水產,月產數百斤。但佢印象最深嘅都係喺水產養殖方面。佢話場內挑選嘅品種,都係按照港人口味而定,團隊亦會好好控制水質,一旦龍蝦出現咗問題,團隊會將嗰啲龍蝦帶到農場實驗室立刻研究。
雖然年輕人都好有心,但洪雯就感慨話政府提供嘅貸款同基金唔夠,難以支撐企業可持續成長,擴張速度慢,亦會令投資者卻步。所以佢建議政府發展多層式嘅室內種植養殖,精簡農地高空發展限制,令漁農業唔會變成夕陽工業喎!
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500