要聞港聞

政情:回首官場生涯 羅致光敷衍走人 陳肇始喊包上身 鄭若驊拒答冇品

羅致光敷衍走人。 羅致光敷衍走人。
羅致光敷衍走人。
國務院日前公布下一屆特區政府主要官員任命,多位現任司、局長無得留低,至於佢哋離任後將會何去何從,就成為傳媒關注嘅焦點。其中食物及衞生局局長陳肇始、勞工及福利局局長羅致光同律政司司長鄭若驊,尋日最後一次以官員身份出席立法會大會。喺會後,各人面對在場傳媒嘅反應各異,僅得陳肇始主動見記者,惟言談間連番哽咽、泫然欲泣;至於羅就話無咩感受可分享,鄭就連敷衍記者都懶得做。睇嚟佢哋對於「熱廚房」嘅生涯,並無太大留戀。
抗疫不力 陳拒絕道歉
自上任後表現屢受批評,尤其是處理第5波疫情不力嘅陳肇始,尋日總結自己過去5年嘅工作,指任期內用咗近半時間控制疫情嘅時候,陳就一度哽咽,話議員對食衞局提供好多寶貴嘅意見,令保障公眾健康等多項工作得以順利進行。當陳嘅情緒稍稍平復,跟住就話自己服務政府10年,要多謝特首林鄭月娥對佢嘅信任同支持。跟住陳就鼻子一酸、感觸抽噎,眼泛淚光咁話多謝問責團隊及多個政府部門嘅同事,因為過去兩年多嘅抗疫工作,大家都不遺餘力。陳提到後會有期,未來會繼續喺不同崗位服務市民。又形容候任醫務衞生局局長盧寵茂性格同佢一樣,都係迎難而上嘅人,相信喺盧帶領下,醫務衞生局必定可繼續守護香港市民嘅健康,真係臨走都不忘自詡一番。
本來講到淚水汪汪嘅陳肇始,當被問到是否抗疫不力,以及會唔會向9,000多名疫症下嘅死者道歉,陳就不予回應,轉身走人。其實陳肇始多次喺公眾場合落淚,都算係一個「大喊包」,佢曾經喺2020年2月,談到醫護罷工時亦哽咽落淚,稱擔心醫護情緒,另一方面亦憂慮公營醫療服務。
鄭無視記者 快閃離場
至於羅致光,就話無咩特別感受可分享,指自己雖有意改善一啲勞工同福利政策,惟無法喺今屆政府實施,但總體上,大部分都做到,亦有一部分都已鋪好藍圖同路線圖。而民望長期「墊司底」嘅鄭若驊,就保持佢一貫嘅行事作風,懶理在場記者嘅提問,離開議會時亦無任何發言,喺一眾政府人員簇擁下呼嘯而去。
陳肇始喊包上身。陳肇始喊包上身。
陳肇始喊包上身。
鄭若驊拒答冇品。鄭若驊拒答冇品。
鄭若驊拒答冇品。
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500