要聞港聞

政情:瞓極唔夠 孫明揚疑患睡眠窒息症

孫明揚 孫明揚
孫明揚
酣然入夢對睡眠窒息症患者而言猶如奢談。教育局前局長孫明揚亦遇上難以熟睡嘅困擾,懷疑患上睡眠窒息症,使用睡眠呼吸機後情況有所改善,但要達到一覺熟睡尚有一段距離。
現年77歲嘅孫明揚喺報章撰文,稱早前有一段長時間,每晚睡眠都係斷斷續續,難以進入熟睡狀態,即使就寢良久,醒來仍然疲倦,導致精神委靡,影響日常生活。佢話起初不以為意,但後來意識到可能患上睡眠窒息症,於是搵醫生同佢做檢查同治療。而醫生就要求佢填寫睡量表,記錄打瞌睡情況,又邀請專門技術員到其住所進行睡眠測試。
而相關醫療報告顯示,佢嘅嗜睡情況嚴重,具有睡眠窒息症病徵,例如睡眠時多次出現呼吸暫停而引致窒息。報告又解釋,由於血液含氧量喺窒息期間降低而「扎醒」,醒後回復正常呼吸再次入睡,但入睡時再次呼吸中止而缺氧,因此又再醒來,而每次短暫窒息可維持數秒至一分鐘以上,而每晚則可發生十數次至數百次不等。
要戴呼吸機就寢
佢話現時就寢需佩戴睡眠呼吸機,但礙於觸及鼻孔嘅導管喺睡眠時不時移位,未能維持輸出固定氣壓,因此最初效果不佳。經過不斷調校呼吸機後,雖已掌握相關竅門,情況有所改善。不過,要達到一覺熟睡後,睜開眼睛迎來新一天嘅卑微要求,尚有一段距離。
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500