政情：球場唔夠用 顏汶羽倡搬龍門補充

顏汶羽話無論邊個標準，康樂體育場地不足肯定係事實，近年更因疫情防控關係，政府亦徵用部分足球場及室內體育場館做檢測或疫苗接種中心，令到原本供應極之不足嘅康體設施更進一步出現嚴重短缺！顏汶羽又話，每個政策問題都唔係單一決策局或部門嘅事，所以其他政府部門亦應分擔提供康體場地嘅責任，如房屋署興建屋邨時，不單止建籃球場、擺張乒乓球枱就算。跟住佢又提到，羽毛球場或籃球場等設施喺可能嘅情況下，容許放置可移動嘅龍門架，咁樣咪可以畀居民踢波囉！

跟住佢又補充話，或者政府會認為呢種做法，唔符合足球場尺寸及標準喎，但其實可移動龍門架屬權宜措施，總好過踢都冇得踢啊！