政情：補償累同事呆等 鄭泳舜大派甜品

睇番前晚開會情況，Vincent喺三讀時要求記名表決，當時佢勁唔好意思，要向在席議員「耍冧」。尋日Vincent解釋，因為自己實在太緊張呢項議案，所以唔小心甩轆，指成件事有少少搞笑。但對於修訂條例獲得通過，佢就話至少行咗一大步，對基層極有幫助，不過未來都仲有好多嘢可以做得更好。

今屆立法會會期即將完結，Vincent都有向在場傳媒派甜品。佢提到今年有唔少經歷，令大家有好深體會，依家議會情況穩定，樂見多項議案獲通過。佢又話即使任期就快完結，仍會繼續關注劏房、市區重建同體育政策。

至於佢嘅黨友、議員葛珮帆就向傳媒送上蛋糕道謝。