要聞港聞

專棄保玩着草 過馬路又老土

入門休問榮枯事,觀看容顏便得知!一個人徬徨末路,行出街都污染市容,何況個賊頭髮線稀疏,幾條劉海吊住似蛛絲,更似足個屎塔蓋笠住剪出嚟,風一吹又當眾梳頭,認真惡心!冇錯,功夫茶講緊本港黑幫和勝和前坐館「上海仔」郭永鴻!
上海仔條打壞尋日下午3點多現身機場警署外,落車時柒吓柒吓腳浮浮,過馬路又老土,與兩名隨從盲舂舂恍如趕住見閻羅王咁款,喂吖!報到都守吓規矩好冇?眾人亂過馬路,隨即遭新界南總區交通部人員票控,屎坑蟲及兩名逐臭之夫要交出身份證。條屎坑蟲一身係罪,涉及兩項串謀傷人、一項串謀刑事毀壞及一項刑事誹謗罪等4項罪名被O記拘捕,原定明年2月4日向警方報到,忽然提前出現所為何事?
消息指警方徵詢律政司意見後,認為唔夠證據作出檢控喎!故着上海仔尋日到機場警署,通知會釋放佢;據悉條屎坑蟲已取回20萬元保釋金。阿哥,香港司法仲唔係鬼揞眼?專棄保玩着草嘅上海仔,臭史罪惡一匹布咁長,曾被踢爆與壹淫媒漢奸黎勾結,彼此利用,以不實內容喺網上抹黑、攻擊「東方傳媒機構」。東方真金不怕洪爐火,清者自清;屎坑蟲口吐蚊蚋,只換來自討沒趣。
嗱!上海仔罪證確鑿:兩度詐病棄保潛逃,又被人拍到喺柬埔寨嘅賭場「行得企得」滿場飛,都唔知幾咁風騷!又走去歐洲溝鬼妹花天酒地,使晒錢惹一身病,走投無路返來香港,一直保釋外出,依家仲獲警方無條件放生,難怪引來一片嘩然:香港究竟仲有冇王法(口架)?司法嘅所謂公平正義原來係水中月鏡中花?
有議員講得好,上海仔曾有犯案及棄保潛逃前科,專棄保玩着草,身負4條罪名,擾攘咗咁耐,警方經向律政司徵詢後決定不作起訴,質疑律政司辦事能力低,獲放生令人聯想佢得到有關人士保護,對內地或香港司法制度帶來不良觀感,促有關方面向外界交代不作起訴原因,釋除疑慮。講真,功夫茶冇奢望,人稱「避政司司長」嘅鄭若驊,在任期間未曾做過一單好事,倒是席不暇暖,甫上任就放生「黑金案」漢奸黎,應告唔告早有前科,香港司法嘅核心價值「法治」早喺「避政司司長」手中毀了!
今上海仔獲放生,亦令人懷疑係「雙安」保護傘發功有關。上海仔曾拍片自稱與內地國安、公安有交情,身為黑道人物卻高調認屎認屁,更令此案一片迷離,條屎坑蟲被放生,使人浮想聯翩,究竟保護傘撐腰真係咁堅?功夫茶卻始終相信,善惡之報,如影隨形。屎坑蟲腳浮浮老土過馬路,獵狗即使冇山上喪,司法無能,上天有眼,過完馬路仲有陰司路等緊佢!大家即管放長雙眼。
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500