要聞港聞

政情:初中踢西瓜波 岑智明眼疾後掛靴

岑智明為母校拍攝校慶宣傳片。 岑智明為母校拍攝校慶宣傳片。
岑智明為母校拍攝校慶宣傳片。
香港老牌名校聖保羅書院今年迎來170周年校慶,為隆重其事,早前邀來多位校友拍攝宣傳片,天文台前台長岑智明亦係當中一員。尋日岑透過社交專頁分享長約4分多鐘嘅校慶宣傳預告片,冀大家落足眼力搵佢短暫現身嘅鏡頭,但同時岑亦有些少感觸咁喎!
為校慶拍片 作狀踢番腳
點解咁講呢?話說呢齣校慶宣傳片嘅橋段好簡單,係藉幾廿年前嘅男生恩物「西瓜波」,連結唔同年齡層嘅本地及海外校友,寓意桃李遍四海咁話,而參與拍攝嘅岑,當然亦要對住西瓜波作狀踢番一腳啦,之不過就係呢一腳,令佢好感慨咁留言話,還記得最後一次踢西瓜波就係隻右眼係中三出事前一日,之後就冇得再踢喇!
岑智明因眼疾而錯過嘅,又點止西瓜波?去年岑本來要到瑞士日內瓦就任世界氣象組織服務司司長一職,結果因青光眼發作而告吹。為免日後有更多遺憾,睇嚟岑真係要好好保護雙眼至得嘞。
岑智明岑智明
岑智明
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500