政情：少年警訊創科大賽多傑作 蕭澤頤讚創意實用兼具

為鼓勵中小學生綜合運用STEM課程嘅知識同技能、發揮創意，少年警訊舉辦「STEM-Up 香港創新科技大賽」，警務處處長蕭澤頤尋日出席賽事頒獎典禮，期間佢話警方希望透過今次比賽，發掘年輕人嘅科創潛能，進一步惠及社會及市民大眾，引導香港健康發展，而參賽同學所提交嘅比賽作品，喺經濟、交通、生活、環境等方面都具有創意同實用性，指部分作品如果可實際應用的話，既可保障市民安全，亦可便利警務工作，譬如可以避免司機誤踩油門嘅緊急抑止裝置，以及可用於道路圍柵嘅防拆螺絲母等。