政情：移英前區議員報憂 「有港人無錢開飯」

講到生活上嘅困難，第一樣挑戰一定係語言，曾就回想喺酒店隔離時，日日都睇當地電視台，跟住字幕讀，諗住學吓英文咁話喎，不過，佢都講笑隔離完就唔記得點講喇！就嚟到中秋，曾話知道有啲港人會去食燒味飯以解鄉愁，佢自己呢就最想食米線，但當地就搵唔到，睇怕都要佢落廚自己煮喇！

何亦透露，有部分港人更加係無錢開飯，生活使費都要慳住慳住，甚至唔開燈同埋足不出戶以節省電費。

有網民問佢哋會唔會再考慮參政，曾就話唔會喇，因為當地都有地區組織，加上佢覺得有責任要先融入當地社會。何都話佢哋都需要啲時間適應當地生活，至少識吓左鄰右里嘛！但何話佢哋都同當地嘅香港人有聯絡，盡量提供協助。