體育

傳深水埗有意戰港超 高俊基︰望名正言順升上去

深水埗(右)不乏當區出身的年輕球員。 深水埗(右)不乏當區出身的年輕球員。
深水埗(右)不乏當區出身的年輕球員。
新季港超聯隊數目前仍未有定案,但坊間盛傳足總正積極游說包括深水埗在內的球隊「升超」。昨日深水埗在九龍仔公園球場約戰愉園,「快活谷」雖由禾達先開紀錄,惟深水埗憑黃駿軒頭槌入球,以及麥富城梅開二度反超3比1。換邊後羅港威再建功,雖然一度失烏龍球,但末段成功拉開紀錄,最終以5比2完成這場友賽。
黎格爾:團火仲未熄
賽後深水埗主教練高俊基被問到有關「升超」的問題時,他證實早前足總有關人士的確曾查詢球隊升班的意願,會方正在研究,但高Sir為升班與否定下前題:「呢個我哋季初都講過,如果攞到聯賽冠軍就升上去,但球季暫停咗,令件事冇擺到落恆常計劃;嚟緊聯賽盃希望攞到理想成績,如果攞到冠軍,升班嘅成數就更加大。」
球員方面,去年天水圍飛馬自降後,重投職場的黎格爾現時亦是深水埗一員,他直言自己「團火仲未熄」:「每日返工唔係自己最想做嘅嘢,好似一個齒輪咁,好似踢波先係屬於自己咁,如果有機會都想再試。」至於早在兩季前暫別超聯的羅港威則指,需視乎工作時間能否協調:「有時現實同理想係兩樣嘢,可以就到返工當然最好啦,咁咪試下夾囉。」
黃雋謙報道
深水埗主教練 高俊基深水埗主教練 高俊基
深水埗主教練 高俊基
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500