男極圈

今夜一丁:橘香戀 動漫索車女

日本寫真界女優來自不同界別,有學界現役大學生,亦有擂台界女子格鬥好手,仲有嚟自賽車場嘅賽車女郎,身材纖巧嘅索女橘香戀就係其中一位人氣車女喇!
纖巧修長
唔少日本寫真女優喺演出當中,都會加入變裝誘惑元素,換上不同服裝為觀眾帶來更豐富嘅視覺刺激。而服裝方面主要有兩種,一種係現實系嘅賽車服、護士服、校服等,另一種就係動漫系嘅Cosplay服,咁又可唔可以兩者兼得呢?梗係得啦!好似橘香戀就因為咁而人氣爆棚喇!
今年24歲嘅香戀人如其名,散發出一種國色天香嘅迷人韻味,靚到令人好想同佢談番場戀愛!佢比起好多賽車女郎及寫真女優身材嚟得纖巧修長,但係瘦削得嚟又唔會好似火柴人咁,腰幼腿長之餘,上圍仲有啲肉地,加上肌膚白裏透紅,着比堅尼拍寫真,吸睛指數不比其他巨乳妹遜色,而換上Cosplay服造型可愛嬌俏,同樣能夠撼贏好多巨乳Cosplayer添!
扮得神似
佢第一份工唔係做模特兒同賽車女郎,而係做辦公室女郎,喺兩年嘅OL生涯當中,佢拍咗人生第一個廣告,當時公司經理見阿妹生得咁標青,咁啱公司要搵模特兒拍廣告,於是就畀個機會佢試吓,後來更因此而畀星探發掘,令佢更有信心同決心加入藝能界。
入行後佢被安排做車女,期間佢參加「新世紀福音戰士賽車女郎」活動,扮演渚薰一角,之後佢又扮演超人氣女角綾波麗,由於扮得神似而且表現活潑可愛,令人留下深刻印象,同時人氣愈來愈高,亦令佢喺「Japan Race Queen大獎」奪得新人賞亞軍,並正式進軍寫真界。不過,佢現時仍然主力喺賽車女郎界發展,希望阿妹日後可以拍多啲性感寫真畀大家睇啦!
社交網站
橘香戀經常以賽車女郎身份出席各種活動,而且會將活動上拍低嘅靚靚寫真照上載到社交網同大家分享,有興趣不妨Click入去欣賞阿妹嘅風姿。
Profile
年齡:24歲
身高:5呎4吋
三圍:30B-22-31
撰文:賢
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500