娛樂

倫敦開騷變推銷中醫 張敬軒頭髮變疏 想拍拖

張敬軒 張敬軒
張敬軒
張敬軒在英國的巡演上再度妙語如珠,自爆在半年前開設「移英港人群組」,表示發現原來中醫在倫敦大有作為,令全場爆笑;他又感性謂年屆42歲,頭髮開始變得疏,走在寒冷的街上特別想拍拖。
張敬軒首次在英國逾百年歷史的殿堂級場地Royal Albert Hall舉行一連三場《the PRIME CLASSICS HINS LIVE in LONDON》演唱會,日前舉行頭場,除有500多位來自香港的「鐵粉」捧場外,還有內地、英、美、法及丹麥等地粉絲。騷後,軒仔坐的座駕被過千人包圍拍照,場面墟冚。
軒仔於騷上表示珍惜與英國觀眾見面機會,又自爆在社交網開設私人帳號,欲了解港人移居英國後的生活,有觀眾大叫:「掛住你呀!」他即謂:「所以咪飛過嚟!」續指見有初移居者不習慣:「好似小朋友病咗,唔想食西藥,又冇得睇中醫。我同中醫朋友講,倫敦有得做喎!」令不少人既感動又笑不停。
約蔡卓妍High tea
他表示今次特意提前10天抵英適應,但事與願違:「每晚凌晨2、3點就醒,倫敦冬天又乾又冷,喺街上總係覺得好凍,覺得如果身邊有個可以拍拖嘅人就好啦!」他又感慨表示:「我42歲,隨着年齡增長,可能頭髮冇以前咁多,聲音冇以前咁響亮,但呢3晚會全力去演唱。」由於去年開騷時不幸染病,故今次即使歌迷送花及禮物都由工作人員代收,他望大家體諒,以保障稍後陪父母的難得假期。而開騷前,他與身在當地的藝人蔡卓妍High tea小聚。
軒仔首次在殿堂級場地Royal Albert Hall開騷。軒仔首次在殿堂級場地Royal Albert Hall開騷。
軒仔首次在殿堂級場地Royal Albert Hall開騷。
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500